शुक्रवार, 13 जुलाई 2012

राजस्थानी विरह गीत


                    

राजस्थान के लोक गीतों मे कुरजां

प्राचीन काल में राजस्थान में जीविकोपार्जन की स्थितियां बहुत दुरूह और कठिन थी. पुरुषों को बेहतर कमाई के लिए नौकरी या व्यापार के लिए दूसरे प्रान्तों में बहुत दूर जाना होता था या फ़िर फौज की नोकरी में. यातायात व संचार के साधनों की कमी के आभाव में आना-जाना व संदेश भेजना भी कठिन था. एक प्रवास भी कई बार ३-४ वर्ष का हो जाता था. कभी कभी प्रवास के समय की लम्बाई सहनशक्ति की सीमाएं पार कर देती थी, तब विरह में तड़पती नारी मन की भावनाएं गीतों के बहाने फूट पड़ती थी. पुरूष भी इन गीतों में डूब कर पत्नी की वियोग व्यथा अनुभव करते थे. इस तरह के राजस्थान में अनेक काव्य गीत प्रचलित है.इन्ही राजस्थानी विरह गीतों में कुरजां के माध्यम से सात समंदर पार अपने पति को सन्देश पहुँचाने का शानदार चित्रण है. नारी की तो अन्तरात्मा की आवाज ही ये लोकगीत हैं. नारी के पास तो अपने आपको खुलकर अभिव्यक्त करने का साधन ही केवल लोकगीत है. अपने राग-विराग, घृणा-प्रेम, दुःख की जिन भावनाओं को नारी स्पष्ट नहीं कह पाती, उन्हें उसने लोकगीतों के द्वारा गा-गाकर सुना दिया है. लोकगीतों में उसने अपने अन्तःस्थल को खोल कर रख दिया है, जिसमें न वह कहीं रुकी, न झिझकी और न ही शर्मायी. विरहिणी ने अपनी विरह वेदना को कुरुजाँ पक्षी से प्रियतम को संदेश भिजवाना चाहा, जिसमें असीम करुणा और मिलन की ललक व्यक्त है:

  कुरजां लोक गीत                                   

सूती थी रंग महल में,
सूती ने आयो रे जंजाळ
सुपना रे बैरी झूठो क्यों आयो रे
कुरजां तू म्हारी बैनडी ए, सांभळ म्हारी बात,
ढोला तणे ओळमां भेजूं थारे लार।
कुरजां ए म्हारो भंवर मिला देनी ए।|
सुपनो जगाई आधी रात में २
तनै मैं बताऊँ मन की बात
कुरजां ए म्हारा भंवर मिलादयो ए sss
संदेसो म्हारै पिव नै पुगादयो ए || स्थाई ||
तूं छै कुरजां म्हारै गांव की
लागै धरम की भाण
कुरजां ए म्हारा भंवर मिलादयो ए
संदेसो म्हारै पिव नै पुगादयो ए ||
पांखां पै लिखूं थारै ओळमो
चांचां पै सात सलाम
संदेसो म्हारै पिव नै पुगादयो ए
कुरजां ए म्हारा भंवर मिलादयो ए ||
लश्करिये ने यूँ कही
क्यूँ परणी छि मोय
परण पाछे क्यूँ बिसराई रे
कुरजां ए म्हारा भंवर मिलादयो ए ||

ले परवानो कुरजां उड़ गई

गई-गई समदर रे पार

संदेशो पिव की गोदी में नाख्यो जाय

संदेशो गौरी को पियाजी ने दियो जाय ||

थारी धण री भेजी मैं आ गई

ल्याई जी सन्देशो ल्यो थे बांच

थे गौरी धण ने क्यों छिटकाई जी

कुरजां या साँची बात बताई जी ||

के चित आयो थारे देसड़ो

के चित आया माय'र बाप

साथीडा म्हाने साँची बात बता दे रे

उदासी कियां मुखड़े पे छाई रे रे रे ||

आ ल्यो राजाजी थारी चाकरी

ओ ल्यो साथीडां थारो साथ,

सन्देशो म्हारी मरवण को आयोजी

गौरी म्हाने घरां तो बुलाया जी |

नीली घोड़ी नो लखो

मोत्यां से जड़ी रे लगाम

घोड़ी ए म्हाने देस पुगादयो जी

गौरी से म्हाने बेगा मिलादयो जी ||

रात ढल्यां राजाजी रळकिया

दिनड़ो उगायो गौरी रे देस

कुरजां ए साँचो कोल निभायो ए

कुरजां ए राणयो भंवर मिलाया ए ||

सुपनो जगाई आधी रात में

तनै बताई मन की बात

कुरजां ए म्हारा भंवर मिलाया ए

सुपना रे बीरा फेरूँ -फेरूँ आजे रे ||

******************************

 एक और गीत

कुरजां बोल सुहावणा , या मरुधर री स्यान
आखै राजस्थान रो , जुडियो इण सूँ मान

रस पूरी ,रस बाँटणी, सबळी रस री खान
मरू माटी सूँ आ जुडी, इण रा बोल महान

साहित रे संसार में, इण रो मोल अनूप
दिपै आपै मोवणी ,ज्यूँ हांतां में चूंप

चहक-महक सरसावणी,चमक-दमक बेजोड़
मरू मीठी या रागनी, कुण कर पावै होड

कुरजां मरुधर री लाडली, रस बांटे भरपूर
सदा उडिकां चाव सूँ ,हुवै न मन सूँ दूर





तड़पती नारी मन की भावनाएं गीतों के बहने फूट पड़ती थी. पुरूष भी इन गीतों में डूब कर पत्नी की वियोग व्यथा अनुभव करते थे. इस तरह के राजस्थान में अनेक काव्य गीत प्रचलित है. वीणा कैसेट द्वारा पींपळी राजस्थानी विरह लोक गीत पर कैसेट जरी किया है. यह विरह गीत " पीपली " वियोग श्रंगार के गीत का काव्य सोष्ठव अनूठा है और धुनें भावों को प्रकट करने में सक्षम है. यह गीत "पिपली " लंबा मर्मस्पर्शी राजस्थानी विरह गीत है जिसमे पुरूष की धनलिप्सा से आहत नारी मन का करुण क्रन्दन है. यह गीत प्रवासी समाज की भावनाओं के केन्द्र में रहा है.

पींपळी - राजस्थानी लोकगीत

बाय चाल्या छा भंवर जी पींपळी जी

हांजी ढोला हो गई घेर घुमेर

बैठण की रूत चाल्या चाकरीजी

ओजी म्हारी सास सपूती रा पूत

मत ना सिधारो पूरब की चाकरी जी ।। स्थाई ।।

परण चाल्या छा भंवर जी गोरड़ी़ जी

हांजी ढोला हो गई जोध जवान

विलसण की रुत चाल्या चाकरी जी

ओ जी म्हारी लाल नणद बाई रा बीर


मत ना सिधारो पूरब की चाकरी जी ।।

कुण थांरा घुड़ला कस दिया जी

हांजी ढोला कुण थानै कस दीनी जीन

कुण्यांजी रा हुकमा चाल्या चाकरी जी

ओजी म्हारे हिवड़ा रो नौसर हार

मत ना सिधारो पूरब की चाकरी जी ।।

रोक रुपैया भंवर जी मैं बणूं जी

हां जी ढोला बण ज्याऊं पीळी पीळी म्होर

भीड़ पड़ै जद सायबा बरत ल्योजी

ओजी म्हारी सेजां रा सिणगार

पिया की पियारी ने सागे ले चलो जी ।।

कदेई नां ल्याया भंवर जी चूनड़ी जी

हां जी ढोला कदेई ना करी मनवार

कदेई नां पूछी मनड़ै री बारता जी

हां जी म्हारी लाल नणद रा बीर

थां बिन गोरी नै पलक ना आवड़ै जी

बाबोसा नै चाये भंवर जी, धन घणों जी

हां जी ढोला कपड़े री लोभण थारी माय

सैजां री लोभण उडीकै गोरड़ी जी

हां जी थारी गोरी, उड़ावै काळा काग

अब घर आओ, धाई थारी नौकरी जी ।।

चरखो तो लेल्यो भंवर जी रांगलो जी

हां जी ढोला पीढ़ो लाल गुलाल

मैं कातूं थे बैठ्या बिणजल्यो जी

ओजी म्हारी लाल नणद रा बीर

घर आओ प्यारी ने पलक ना आवड़ै जी ।।

सावण सुरंगों लाग्यो भादवो जी

हां जी कोई रिमझिम पड़े है फुहार

तीज तिंवारा घर नहीं बावड़्या जी

ओजी म्हारा घणा कमाऊ उमराव

थारी पियारी नै पलक ना आवड़ै जी ।।

फिर-घिर महिना भंवर जी आयग्या जी

हाँ जी ढोला हो गया बारा मास

थारी धण महला भंवर जी झुर रही जी

हाँ जी म्हारे चुड़ले रा सिणगार

आच्छा पधारया पूरब की नौकरी जी

उजड़ खेड़ा भंवर जी फिर बसे जी

हाँ जी ढोला निरधन रे धन होय

जोबन गयां पीछे नांही बावड़े जी

ओजी थाने लिख हारी बारम्बार

ओजी घर आओ थारी धण एकली जी ।।

जोबन सदा नां भंवर जी थिर रवे जी

हाँ जी ढोला फिरती घिरती छाँव

कुळ का तो बाया मोती नीपजे जी

ओ जी थारी प्यारी जोवै बाट

जल्दी पधारो गोरी रे देस में जी ।। स्थाई ।।





सुणल्यो सहेल्यो म्हारी भायल्यो

सुपनो जी आयो आधी रात

सहेल्यो थानें सुपनों सुणाऊं ए sss २

नौ तो कुआ दस बावड़ी भरिया ताळ तळाब

सुपनें में मैं तो सासरियो देख्यो ए sss २

ऊँची मेडी चढ़ चली गढ़ छूवै असमान

सासरियो म्हाने बाल्हो लाग्यो ए sss २

मायड़ सी म्हारी सास छी बाबुल सा ससुर सुजान

नणदली म्हारे घणी मन भाई ए sss २

सेज बिछी रंग महल में फूलां स्यूं सेज सजाई

पियाजी रंग महल्याँ पधारया ए sss २

मधरी-मधरी चाल छी होठां पे मुस्कान

पियाजी म्हारे घणा मन भाया ए sss २

घूंघटो उठायो म्हारो प्रेम से नैणा स्यूं नैण मिलाय

पियाजी म्हारे नैणा में समाया ए sss २

पलकां झुकी म्हारी लाज स्यूं होठां स्यूं बोल्यो नाहीं जाय

पियाजी म्हानें अंग लगाया ए sss २

पाछे सुपनों टूटग्यो, रहगी अधूरी आस

सहेल्यां थाने अब के सुणाऊं ए sss २ स्थाई


विरह मे  एक राजस्थानी नारी

 

  
ॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐॐ

3 टिप्‍पणियां: